بسم الله الرحمن الرحيم
الـــمراكز شــاغرة والـكل غاره
مــن يبى الترشيتح قولوله يغير
الجــماعة كــل واحد شـب نـاره
ميت واحــد قد ترشــح يا خـبير
من تشوفه فى سلامه به حـراره
وان تكـلم كيف حـــالك يا امـير
من يقوم الصبــح يفقد كل حـاره
و الـمــقايل بالمــخـوه الــضمـير
من يشــغل هـــــاتفه كنه اشــاره
و في الحـلايق والـبرايز صرير
هو مرشح والعمل يشتي شطـاره
يكــسب الأصــوات ولا با تـطير
شورى وديمقراطية قد هي تجاره
من يمشور با يـقروط في الأخـير
مشوروالشورى على الفين تاره
وقروطوالمحصول عاده خنجفير
يا قــــبايل وســمعو مني بشـارة
في المجلس بدلو الكرسي سرير
الأوامــر و العــمل بــيد الاداره
جــاهزة يا عــضو قد معنا كبــير
ما مضى من أمرانا كـله خساره
من تــمسال منــنا ما هـو بصــير
من طـــلع منا يـــجهز له غراره
عــضو هــاقـم بمزلط بعدك يسير
كــل فـــايز با يغلـــق باب داره
وان دعـــيته جـــوبو عـــاده خمير
كل ناخــب عـاد صتوته بختياره
هـي أمـــانه يا مـــواطن لا تحـــير
بيـــض الله وجــههم أدو ســتاره
با تحـــاسب بعــدها وين المصــير
من دخــلها مــننا بــيده قــــراره
أنت وحـــدك يا أخــي ذي با تشــير
كـــل واحـد منـهم زيـن شعــاره
والــمبادئ حـــقـهم قــد هـي كــثير
و أنت داري انها اخــلاق عـاره
و أنت عارفـهم وداري مش غـرير
رشحـو انســان با ينفــع ديـــاره
با يقــول الحــق ما يخــشى كــبير
من يقــدم مـصلحتكم يا نمــاره
من ســعى لــنقاذ عــاجز اوفـــقير
او يطــالب بالمدارس و الاناره
من يتــابع فـي دواء او حـفر بيـر
و اختم الأقـوال في أخـر عبـاره
الــزلط من شــلــها يصــبح أســير
لا تبيـــعو صــوتكم لنها حقـاره
لا تلـــومه لــو يبــعك هــو حـــقير
يا كبار القــوم و انتو يا صـغاره
من شهــد بــــزور يـــهناه السـعير
الله يلــعن ذا التــقدم و الحضاره
الغــرب وردها و راقـبها الســـفير
ســاوو العــالم مع اهل الدعاره
قد هي سـو تشــهد سمـر ولا سمير
وسلامــــــــــــــــتكم
الإثنين نوفمبر 26, 2007 9:49 pm
